culturagalega.org
> inicio > > extras

 

As migracións masivas de galegos a América



Fondo: Arquivo da Emigración Galega

Entre 1835 e 1970 arredor de dous millóns de galegos emigraron a América na procura dunhas oportunidades de traballo e dunhas condicións de benestar que non tiñan na súa terra. As cifras son elocuentes á hora de amosar a importancia da emigración galega: entre 1860 e 1970 os emigrantes galegos representaron o 37’8 % das saídas de españois cara ao continente americano; mentres que a poboación galega en 1900 non acadaba o 11 % do total español, as saídas galegas representaron o 2 % da emigración europea a América. En canto aos destinos, Cuba e Arxentina foron os países a onde os galegos emigraron máis, predominando a illa caribeña no século XIX e o país austral no século XX. Os números que acabamos de expor xustifican que a emigración galega teña un lugar preferente na memoria histórica de Galiza.

Presentamos un texto introdutorio feito por Alexandre Vázquez González(Universidade de Vigo)

baixa o documentoDescárgao aquí...