Helena Almeida (Lisboa, 1934) é unha artista referencial na arte portuguesa. Na exposición amosanse obras da serie Lavada em lágrimas (2010) que ocupan a sala principal da galería. Estas pezas xorden nun día de choiva no que a artista atopou o seu estudo anegado e o propio chan converteuse nun espello e así comezou a realizar bocexos do seu reflexo.
Nas outras salas, expoñense obras anteriores, desde o díptico Desenho (1999) ata obras como Dos Espaços nas que comeza a incorporar na imaxe a Artur, o seu marido e colaborador, que datan do 2006.
Helena Almeida ten exposto na Fundação Calouste Gulbenkian de Lisboa (1983 e 1987), na Fundação Serralves de Porto (1995), no Centro Galego de Arte Contemporánea de Santiago de Compostela e no Museo Extremeño e Iberoamericano de Arte Contemporáneo, de Badaxoz (ámbalas dúas no 2000), no Centre d’Art Santa Mònica de Barcelona (2005) ou na Fundación Telefónica de Madrid (2008).
En 2005 representou a Portugal na Bienal de Venecia. Foi recoñecida con galardóns como o Premio Photo España 2003 e o Premio Extremadura á Creación 2008 da Junta de Extremadura.
Paralelamente a esta mostra na galería coruñesa, participa na exposición colectiva A Bigger Splash-Painting after Performance na Tate Modern de Londres.
Fonte: Galería Vilaseco Hauser
