Ir ao contido directamente.


Ti estás aquí > Inicio / música en galego

Música en galego

Zouma saca unha edición especial de disco e dvd da banda de Cristina Pato xunto con Mutenrohi

Xénero: Folk | 28 / 3 / 2007 + IMAXES + VIDEO

not_9661.jpg

Como edición conmemorativa do décimo aniversario da formación ourensá a banda reuniu a boa parte dos seus músicos fundadores e xuntouse tamén coa gaiteira Cristina Pato que iniciou a súa andaina escénica con esta formación. O reencontro coa banda plasmouse nunha serie de concertos nos que a gaiteira, en pleno paréntese da súa carreira profesional mentres realiza os seus estudos de doctorado en EE.UU. volve interpretar os temas de Mutenrohi que tanto influíron na súa traxectoria profesional mesturados con vellos e novos temas da gaiteira. Un espectáculo no que os antigos membros de Mutenrohi e algúns dos membros da banda de Pato mestúranse para celebrar este aniversario e tamén para agradecer ao público o apoio recibido durante todos estes anos.

Máis información en Misturados

Nani García e César Benito son candidatos aos Premios da Crítica Musical Cinematográfica

Xénero: Clásica/Lírica | 21 / 3 / 2007

not_9623.jpg

Os músicos Nani García e César Benito son candidatos aos terceiros premios da Crítica Musical Cinematográfica que concede a revista especializada Scoremagacine. O primeiro polo traballo feito en “De profundis”, mentres que o segundo por “Mía Sarah”.

Máis información no web Scorremagacine

Falece Prudencio Romo, fundador de Los Tamara

Xénero: Folk | 21 / 3 / 2007 + VIDEO

not_9620.jpg

Foi un dos pioneiros do pop en galego como parte dos míticos Los Tamara. Prudencio Romo falecía este luns en Santiago de Compostela vítima dunha doenza cardíaca. O enterro está previsto para esta tarde no cemiterio de Santa María A Nova. Con Romo déixanos o compositor de temas coma "A Santiago Voy" ou "Galicia, terra nosa". O concello de Noia declarou tres día de loito polo falecemento.

Máis información en La Voz de Galicia, en El Correo Gallego e en El País

Falcatruada prepara un disco de homenaxe a Andrés do Barro interpretado por músicos da escena actual

Xénero: Pop | 15 / 3 / 2007

not_9587.jpg

A discográfica coruñesa Falcatruada ven de anunciar que case trinta grupos do panorama indie galego están a preparar, por iniciativa desta discográfica e da plataforma A Regueifa, unha reinterpretación contemporánea dos temas de Andrés Do Barro, o primeiro cantante galego que colou unha canción (O Tren) no número un de ventas do estado. A recompilación conterá temas clásicos de Do Barro coma o Corpiño Xeitoso, Meu amor, Adeus adeus ou Para che falar de amor, pero coa revisión dos herdeiros da movida musical galega. Os ritmos máis actuais réndenlle así tributo ao rei do pop galego. A lista non está pechada polo de agora, pero nela figurarán algúns dos grupos máis rebuldeiros da actual escena musical do país.Desde Falcatruada aseguran que este proxecto “vai andando pasiño a pasiño”.

O rock literario de A Caricia da Serpe inicia a súa xira galega con tres concertos seguidos

Xénero: Miscelánea | 15 / 3 / 2007

not_9586.jpg

O grupo “A Caricia da Serpe” está estes días a presentar o seu traballo discográfico de nome homónimo editado polo selo coruñés Wonderland discos en varios concertos. Oleiros, Cambre e finalmente a Sala Yago de Santiago acollerán as postas en escena deste singular proxecto no que conflúen música e literatura. Aínda que A Caricia da Serpe comezou a súa andadura polo ano 1998 e leva dados cerca de 200 concertos, o seu primeiro disco editouse a finais do 2005. Os compoñentes desta peculiar formación son Lino Braxe, poeta, actor e director de teatro; Rómulo Sanjurjo, ex-compoñente de Os Diplomáticos e actual 50 por cento de Transportes Hernández & Sanjurjo; Miguel Ladrón de Guevara e Xosé Luis Saqués. No espectáculo do grupo está moi presente a poesía e a narración asó como os universos musicais da rumba, o rock ou o tango.

As agrupacións de gaiteiros mobilízanse para garantir uns mínimos laborais no sector

Xénero: Folk | 15 / 3 / 2007

imaxe non dispoñible

Vilagarcía acollía onte unha xuntanza na que 23 colectivos de gaiteiros de todo o país tentaban acordar uns mínimos laborais para a profesión. Entre as reivindicacións do colectivo está o cobrar un mínimo de 250 euros por actuación, e unhas condicións mínimas de seguridade no desempeño do seu traballo son algunhas da reivindicación. Para alén deste encontro a Asociación de Gaiteiros xa anunciou a celebración en maio dunhas xornadas sobre xestión fiscal e laboral para o sector.

Máis información en La Voz de Galicia; en Vieiros e máis o colectivo nos nosos arquivos

A Xunta anuncia que apoiará a Fundación Rogelio Groba nunha homenaxe que lle rendeu ao compositor

Xénero: Clásica/Lírica | 7 / 3 / 2007

not_9537.jpg

Rogelio Groba (Ponteareas, 1930) compuxo máis de trescentas obras de case todos os xéneros, o que o converte no compositor máis prolífico. Por todo isto, o músico será homenaxeado cun ciclo de concertos a cargo da Orquestra de Cámara Galega para difundir a música clásica do país. Ademais, a Xunta comprometeuse, a través das consellarías de Vivenda e de Cultura, a dotar de sede a fundación que promoveu o propio compositor e mais a contribuír á difusión do seu traballo.

Máis información en La Voz de Galicia, no web da Fundación Rogelio Groba e na nosa hemeroteca

O himno galego estreouse dez anos antes do que se pensaba

Xénero: Clásica/Lírica | 2 / 3 / 2007

imaxe non dispoñible

O Congreso Pascual Veiga, sobre a obra deste compositor, comezou onte cunha revelación de peso. A estrea do Himno Galego, do que Veiga creou a música, dátase cando menos en 1896, dez anos do que se cría. Segundo revelou o musicólogo Fernando López-Acuña, existen referencias desta obra en medios de comunicación e partituras xa desde 1896, dez anos antes da que ata o de agora se consideraba estrea oficial na Habana. Precisamente co congreso celebrábase o centenario desta estrea.

Máis información en Galicia Hoxe, no web de Cultura, en La Voz de Galicia e nos nosos arquivos

Vigo, Santiago e A Coruña organizan a primeira Semana do Jazz Galego

Xénero: Jazz/Blues | 2 / 3 / 2007

imaxe non dispoñible

Kin García, Leo gianetto, Carme Dor e Pablo Seoane son algúns dos músicos que conforman o cartel da I Semana do Jazz Galego. Un evento que organiza El Corte Inglés e Audia Records do 7 ao 24 de marzo co obxectivo de dar a coñecer os novos intérpretes de Jazz que viven en Galicia e que mesturan os sons galegos coas últimas tendencias do panorama musical. As actuacións musicais están programadas primeiro en Santiago, logo en Vigo e por último en A Coruña.

Máis información no web de El Corte Inglés e en Galicia Hoxe

Ouvirmos descubre o patrimonio sonoro do país coa creación de rutas musicais en quince localidades galegas

Xénero: Miscelánea | 1 / 3 / 2007

tem_9496.jpg

"A música acompáñanos en todos os ámbitos da vida, públicos ou privados, en todas as épocas", explica Ramom Pinheiro, fundador da discográfica Ouvirmos. Aínda que inadvertida, esa presenza sonora mantense ao noso arredor vencellada a todo tipo de elementos. Agora, esta compañía, coa colaboración da Consellaría de Industria e Turismo, pon en valor ese pouco coñecido patrimonio e elabora quince rutas turísticas centradas nesta arte por outras tantas localidades galegas.

<< Inicio / Anterior . 1131 a 1137 de 1137 .

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer