Ir ao contido directamente.


Ti estás aquí > Inicio / DISCO / Luar na Lubre presenta o seu novo disco 'Ribeira Sacra'

O TRABALLO GRAVADO EN SAN PEDRO DE ROCAS é UNHA BANDA SONORA DESTA ZONA RIBEIRá

Luar na Lubre presenta o seu novo disco 'Ribeira Sacra'

FOLK | maio 9, 2018

luarnalubre_ribeirasacra.jpg

Luar na Lubre presentou o seu novo traballo musical como a "banda sonora" da Ribeira Sacra, unha produción na que colabora a Deputación de Ourense e que foi gravada o outono pasado no mosteiro de San Pedro de Rocas (Esgos), conxugando natureza, tradición e etnografía, e incorporando por primeira vez nunha composición musical o idioma do afiador, o barallete.

O presidente da Deputación de Ourense, Manuel Baltar, xunto co líder do grupo, Bieito Romero; o presidente da Coral de Ruada, Samuel Lago, e o músico Félix Castro, presentaron onte no Centro Cultural "Marcos Valcárcel" este traballo discográfico e os concertos que ofrecerá o grupo no Teatro Principal de Ourense os vindeiros 2 e 3 de xuño, e contará coa colaboración de artistas como Víctor Manuel, Brais Maceiras, Irma Macías, Astarot, Félix e Castor Castro Vicente, Marisa Valle Ros, e a Coral de Ruada.

Bieito Romero remarcou que esta gravación "tocoume no corazón, porque as miñas orixes están na Ribeira Sacra, e ademais, para todos supuxo un proxecto moi especial porque comezamos a traballar nel na data en que os lumes fixeron estragos en Galicia, e o feito de estar nun territorio de tal alto valor natural, como é a Ribeira Sacra, nos fixo arrancar con moita tristura". Romero lembrou o labor etnográfico e de recolleita de sons naturais e testemuñas que enriqueceron este traballo musical. "Fomos polas aldeas a falar coa xente, recollemos sons de vento, carros, campás, e tamén imaxes de nevaradas, amenceres..., de tal xeito que neste traballo mestúrase a música co ambiente da Ribeira Sacra; con elo, a nosa pretensión foi acadar unha banda sonora humana e natural".

O traballo discográfico Ribeira Sacra recolle tamén nas letras feitos e personaxes históricos, como Romasanta, e de lenda, como os Felos de Maceda e Esgos, de fonda tradición etnográfica no entroido. O proxecto ten como obxectivo pór en valor a través da música a riqueza histórica, etnográfica, natural e monumental da Ribeira Sacra ourensá.

datos do disco

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer