Ir ao contido directamente.


Ti estás aquí > Inicio / DISCO / A Orquestra Folk Sondeseu presenta o seu quinto disco 'Beiralúa'

O NOVO TRABALLO CONTA CON COLABORACIóNS E PEZAS DE COMPOSITORES ACTUAIS

A Orquestra Folk Sondeseu presenta o seu quinto disco 'Beiralúa'

FOLK | maio 16, 2018

beiralua_sondeseu.jpg

Este vindeiro sábado o Auditorio Municipal de Cangas acollerá o concerto de presentación de Beiralúa quinto disco da orquestra folk SondeSeu. En Beiralúa(Fundación Sondeseu) sobresaíntes compositores e músicos galegos, xunto con voces representativas do panorama actual se xuntan aos mestres e compoñentes da orquestra para danzar baixo a luz da lúa unha coreografía simbólica de unión en torno a un proxecto que os trouxo dende as ondas daquel inicial Mar de Vigo (Fol Música, 2003) ata o máis recente Danzas brancas (Do Fol, 2013. Deste xeito entres os dezaoito temas que ofrece este novo traballo hai pezas encargadas pola orquestra a prestixiosos compositores como Xosé Lois Romero, Quico Comesaña ou Pedro Lamas entreveranse con cancións presentes xa no imaxinario colectivo, clásicos como Ahi ven o Maio ou Campanas de Bastabales, interpretadas por grandes voces como Rosa Cedrón ou o Orfeón Treixadura e a colaboración de Susana Seivane, rematando cunha composición de Anxo Pintos para a candidatura das Illas Cíes a Patrimonio da Humanidade dedicada á Illa de San Martiño que pon de manifesto as enormes posibilidades tímbricas da formación viguesa creada hai dezasete anos no seo da actual Escola Municipal de Música Folk e Tradicional, a ETRAD, e está consolidada xa como a gran Orquestra Folk de Galicia. A seguinte presentación en directo tras cangas será en Santiago de Compostela o vindeiro 22 de xuño.

datos do disco

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer