Warning: include(avg/images/tacu.jpg): failed to open stream: No such file or directory in /var/www/html/cultura/html/Connections/con_cultur.php on line 1 Warning: include(): Failed opening 'avg/images/tacu.jpg' for inclusion (include_path='.:/usr/share/pear:/usr/share/php') in /var/www/html/cultura/html/Connections/con_cultur.php on line 1 PABLO CASTAñO QUARTET - A-la-láa (2018) | JAZZ/BLUES || MeGA || música en galicia

Ir ao contido directamente.


Ti estás aquí > Inicio / DISCO / Pablo Castaño Quartet achégase ás fontes tradicionais desde o jazz con 'A-la-láa'

O DISCO CONTA TAMéN COA COLABORACIóN DE UGIA PEDREIRA

Pablo Castaño Quartet achégase ás fontes tradicionais desde o jazz con 'A-la-láa'

JAZZ/BLUES | xuño 25, 2018

pablocastano_quartet_alalaa.jpg

Músico de enorme experiencia e curtido ao longo de 20 discos nos que interveu na súa carreira, o saxofonista Pablo Castaño formou un cuarteto á volta da súa estadía neoiorquina de 6 anos. É con esta formación, Pablo Castaño Quartet, coa que saca o primeiro disco co seu nome á fronte. A-la-láa (aCentral Folque, 2018) foi gravado por Pablo Barreiro ao vivo durante dúas sesións de improvisación musical en xaneiro de 2018 e masterizado en Nova York polo produtor Kastuhko Naito. Castaño está acompañado na gravación de dous nomes relevantes da escena galega, como son o pianista Yago Vázquez, residente en Nova York, e o batería Iago Fernández. A eles súmase o contrabaixista arxentino Demian Cabaud e a cantante Ugia Pedreira, que está presente en dous dos temas do disco: Alalá do vento e Alalá da estrela e da Lúa. Dez temas conforman este traballo que desde o jazz aproxímase á música tradicional galega toma e como punto de partida os cantos libres como os alalás e as coplas. O álbum parte de fontes históricas como o Cancioneiro Musical de Galicia, de Casto Sampedro, e tamén de recollidas contemporáneas coma o Cancioneiro Popular Galego da etnomusicóloga suíza Dorothé Schubart. O disco xa está dispoñible para a venda e en plataformas dixitais.

datos do disco
Ligazóns