Ir ao contido directamente.


Ti estás aquí > Inicio / DISCO / Presumido sacan hoxe o seu disco 'Cuatro estaciones' ao completo

O áLBUM CULMINA UN ANO NO QUE O DúO APOSTOU POLA SúA LIBERDADE CREATIVA A TODOS OS NIVEIS

Presumido sacan hoxe o seu disco 'Cuatro estaciones' ao completo

ELECTRóNICA | outubro 10, 2019

presumido_4estaciones.jpg

Hoxe é o día no que o dúo Presumido sacan do forno o seu agardado segundo álbum Cuatro estaciones, unha obra na que recompilan os traballos dos tres EPs estacionais que viñeron sacando durante un ano e ao que engaden, ademais dos novos tres temas de Otoño, re-mesturas de tres dos destacados nos anteriores EPs. O poderoso tema El rey azotado co que iniciaron este camiño e que ten un importante valor simbólico chegados a este punto, é un dos máis presentes no disco, aparece na súa versión orixinal para o EP invernal, na súa re-interpretación para o EP Verano e na edición ou re-mestura dos Dj´s Carlos Bayona &Gómez. Catorce temas de electro pop que poden ir desde as tonalidades máis escuras e intimistas ata os brillos da bola de espellos da pista de baile. Tarci Ávila e Nacho Dafonte presentan con Presumido unha proposta que ten escasas correlacións na escena nacional pero con claras influencias internacionais que van desde Apparat a Ariadna Grande, pasando por Childish Gambino ou Bon Iver, aínda que tamén poderíamos chegar ata referencias da performance electrónica como Laurie Anderson a través da escoita dese novo tema Vapórea, cantado por Tarci en vocoder a capella. Cuatro estaciones fai así tamén honra á receita de pizza ofrecendo unha variedade de bocados de diferentes sabores. O disco está xa dispoñible nas principais plataformas dixitais.

Cuatro estaciones representa para o dúo a finalización dun periplo cheo de incertidumes e sorpresas malas e boas, sobre todo boas, e en todo caso dunha aventura que iniciaron cando o pasado ano, tras unha mala experiencia co seu primeiro disco Vendetta(2016) decidiron loitar pola súa liberdade creativa e de promoción e iniciaron diversas accións que os puxeron no foco de medios non só musicais cunha exitosa campaña de crowfunding(como detallamos na nosa reportaxe Presumido: catro estacións de independencia) . Desde entón e a través das súas redes sociais o dúo mantén unha constante comunicación cos seus seguidores facéndoos partícipes de todos os pasos que estiveron dando neste proceso ata Cuatro estaciones ao mesmo tempo que ían sacando videoclips de ata cinco dos temas deste segundo longa duración. Nestes días anteriores á saída do disco os Presumido foron tamén presentando tres vídeos titulados como El año necesario, nos que resumen, en palabras o que foi este ano de creación e aventura musical Este final é tamén un principio para eles, agora comezan a xira de presentación deste traballo para a que teñen xa confirmadas 20 datas ata primeiros de febreiro do 2020 e nas que presentarán un intenso traballo de posta en escena. Do traballo preparado para o escenario xa nos avanzaba Tarci Ávila en maio que nas súas previsións estaba que se tratase dun espectáculo especial "cunha estética na que se irán sucedendo catro ambientes diferentes no escenario de acordo coas catro estacións e que será moi bonito". A sala Manchita Cosa de Ferrol será o lugar onde o vindeiro sábado 19 de outubro comece a verse a potencia da proposta de Cuatro estaciones.



datos do disco

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer