Ir ao contido directamente.


Ti estás aquí > Inicio / NOTICIA / Os festivais virtuais Musikel e Fica Na Casa Fest amenizan o encerro

AS DúAS CITAS NAS REDES REUNIRáN ESTA FIN DE SEMANA ARTISTAS DA ESCENA GALEGA

Os festivais virtuais Musikel e Fica Na Casa Fest amenizan o encerro

MISCELáNEA | marzo 26, 2020

imaxe non dispoñible

A axenda de actividade musical en liña segue a manter boa saúde dúas semanas despois da cancelación de toda actividade cultural en espazos públicos. Esta fin de semana a parroquia está convocada a varias destas citas en directo a través de perfís de redes sociais coma Facebook e Instagram e en Galicia seguimos a ter algunhas nas que os artistas propios amosan o seu talento. Na Coruña o festival Musikel reúne nun mesmo evento virtual a artistas locais da cidade. Dará comezo este veres 27 e durante sábado e domingo ten previstas actuacións desde as 13:00 horas ata as 21:00 horas cada un dos días. Ata 23 artistas da cidade herculina entrarán desde as súas casas nesta "guerra ao silencio", que reunirá nomes como os de Allova, El Flop, Lucía Souto, Dani Cisneros, Mangosta, Planeta Fugaz e outros moitos. Ademais a axenda refórzase co Fica na Casa Fest, organizado pola Asociación Cultural Musical Galicia Molona, vai ir esta fin de semana a pola súa segunda edición ofrecendo música independente galega en streaming, que despois ademais porán en Internet como vídeos. A primeira entrega ofreceu dez actuacións de pop, música electrónica, rock e dj’s o pasado fin de semana e este sábado volven a poñerse en marcha cunha nova edición cuxo cartel aínda está por coñecerse neste intre.

En Culturagalega.gal seguiremos a dar conta das diferentes iniciativas nesta liña que vaian aparecendo na rede, unificadas baixo o cancelo #culturanacasa.

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer