Ir ao contido directamente.


Ti estás aquí > Inicio / / A edición dixital do Resurrection Fest tamén se apraza

FARASE EN AGOSTO E INCLUIRá PUNTOS DE ENCONTRO ONDE COMPARTIR A EXPERIENCIA

A edición dixital do Resurrection Fest tamén se apraza

ROCK | xullo 1, 2020

imaxe non dispoñible

O Resurrection Fest de Viveiro, coma todos os grandes festivais, aprazou a súa celebración ao 2021 pero non quixo deixar o seu oco sen encher de todo e preparou unha edición en liña, un evento especial a celebrar nesta semana coincidindo coas datas iniciais. Agora desde a organización veñen de comunicar que esta edición “dixital” que vai ter un carácter solidario na súa recadación tamén se vai ver suxeita a un adiamento para poder garantir que toda a programación do evento se poida realizar. Polo tanto o Resurrection Fest EG Online terá que agardar ata os vindeiros 28 e 29 de agosto, un retraso que se verá compensado coa habilitación de puntos de encontro físicos onde asistir aos concertos que se transmitan compartindo esa experiencia como un espectáculo máis, ademais dunha ampliación de contidos. Durante este tempo estarán á venda diversos artigos que servirán para recadar fondos que irán destinados á Cruz Roja Española de Lugo e a Federación Española de Bancos de Alimentos-FESBAL. A programación que se ofrecerá en agosto de balde a través das redes do festival consistirá nun documental sobre a historia do festival; a emisión de concertos inéditos como a despedida de Slayer, Gojira, The Offspring, Rancid, Mastodon, etc. e un resumo das mellores actuacións de todas as edicións; video saúdos e entrevistas de artistas; un programa especial realizado por Jon Sistiaga e Joe Pérez-Orive para o Resurrection Fest Estrella Galicia Online; a estrea oficial da canción do Resurrection Fest, by Crisix, e outras moitas actividades.

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer