Ir ao contido directamente.


Ti estás aquí > Inicio / NOTICIA / Novas homenaxes lembran a Carballo Calero en Ferrol e na Coruña

O EVENTO FERROL, 1916 ESTREA A PEZA DE MIGUEL BROTóNS A MUSICAR UN POEMA DO AUTOR

Novas homenaxes lembran a Carballo Calero en Ferrol e na Coruña

CLáSICA/LíRICA | outubro 13, 2020

imaxe non dispoñible

O outono continúa cargado de homenaxes arredor do Día das Letras dedicado a Ricardo Carballo Calero. Entre os máis próximos, Ferrol acolle este 14 de outubro a evento Ferrol, 1916, un acto organizado polo Consello da Cultura Galega en colaboración co Concello que se desenvolverá no Teatro Jofre. O programa inclúe a presentación da edición facsimilar da obra teatral A farsa das zocas e a estrea ao público da peza Ferrol, 1916. Esta composición de Miguel Brotóns musica o poema homónimo do autor homenaxeado e contará con Alejo Amoedo ao piano e Patricia Rodríguez Rico na voz. O evento incluirá tamén a proxección da vídeo montaxe teatral Farsa das zocas.

Na Coruña, pola súa banda, a Asociación Veciñal Agra dedícalle ao autor un lugar destacado nos seus Ferrados de Letras. A presentación da BD Ricardo Carvalho Calero. Coraçom de terra, acompañada dun recital poético e da música de César Morán protagonizará este día 16 o primeiro destes encontros. O día 20 será a quenda de Aurora Marco, que presentará a súa obra sobre a mocidade do homenaxeado e mais o seu libro Irmandiñas. Nesa ocasión o apartado musical estará a cargo de Barahúnda.

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer