Ir ao contido directamente.


Ti estás aquí > Inicio / DISCO / Sumrrá presenta hoxe '7 visións' o seu disco máis existencial

É O SéTIMO TRABALLO DO TRíO DE JAZZ COMPOSTELáN NOS SEUS 21 ANOS DE TRAXECTORIA

Sumrrá presenta hoxe '7 visións' o seu disco máis existencial

JAZZ/BLUES | abril 16, 2021

7Visions_Sumrra.jpg

O Teatro Principal de Santiago acolle hoxe a presentación oficial en concerto do novo álbum do trío de jazz Sumrrá. SUMRRÁ 7 VISIÓNS (Clermont MUsic) é o sétimo disco desta formación que leva xa 21 anos sendo a punta de lanza do jazz en Galicia e unha das formacións máis coñecidas do xénero fóra da comunidade. O pianista Manuel Gutierrez, o contrabaixista Xacobe Martínez Antelo e o batería L.A.R. Legido, dan a luz un novo traballo discográfico que supón a consolidación dunha forma única de entender a música ao vivo. O disco estará dispoñible en todas as plataformas a partires do 30 de abril.Marcado polo confinamento, unha das diferenzas con respecto aos anteriores traballos é ser o primeiro traballo da formación que se levou a gravar sen ter tocado os temas previamente ente público.

O disco segue a tradición do trío de numerar cada un dos seus traballos e segue ao anterior 6 Mulleres na intención monotemática. Neste último álbum, SUMRRÁ fai un exercicio de transcendencia ao coller perspectiva e replantexarse a través da música a propia existencia universal. A través da lista de temas que se inclúen, os tres músicos afincados en Santiago de Compostela miran con novos ollos ao Sapiens sapiens, o Espazo interior que habita dentro de cada un de nós, ou a Ra, o astro Rei, fonte de toda vida. Reflexionan sobre a nosa eterna posición na Periferia Universal, ou á permanente danza das Forzas Gravitatorias. Contan a través da súa música qué foi o que aconteceu 13.700 millóns de anos despois, ou por que son 7 os graos que separan Asuán de Alexandría. Sete temas para sete visións a través dun sétimo disco, así son os Sumrrá e así inician esta tempada.

datos do disco

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer