Ir ao contido directamente.


Ti estás aquí > Inicio / NOTICIA / Un ciclo amosa o traballo das bolseiras de música da Deputación a Coruña

ROSALíA GóMEZ LASHERAS, PATRICIA CADAVEIRA, ANA YáñEZ E ALMA SARASOLA ACTúAN O 6 E O 7 DE XANEIRO NO TEATRO COLóN

Un ciclo amosa o traballo das bolseiras de música da Deputación a Coruña

CLáSICA/LíRICA | xaneiro 3, 2022

imaxe non dispoñible

Sons para un regreso é o título do ciclo de concertos que amosa estes días 6 e 7 de xaneiro o traballo das bolseiras de música da Deputación da Coruña. Na primeira das xornadas a cita achega ao teatro Colón o traballo da pianista Rosalía Gómez Lasheras, que desenvolve a súa carreira ao longo de escenarios de toda Europa, Oriente Medio ou Estados Unidos e da saxofonista Patricia Cadaveira, que combina o labor de compositora coa de instrumentista e docente e que botou a andar ademais o proxecto Marés Sonoras.

Na segunda sesión Ana Yáñez, dará un recital co seu trío de guitarras Tres Trastes, mentres Alma Sarasola achegará o seu traballo co Quinteto InVento. Ademais dos concertos, o ciclo inclúe faladoiros do xornalista Anxo Quintela con cada unha das protagonistas do evento para dar a coñecer o seu traballo.

As catro músicas son antigas beneficiarias das bolsas de perfeccionamento de estudos artísticos da Deputación da Coruña, que organiza este encontro coa intención de dar a coñecer en Galicia carreiras que en moitas ocasións se desenvolve fóra do noso país.

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer