Ir ao contido directamente.


Noticias

O himno galego estreouse dez anos antes do que se pensaba

Xénero: Clásica/Lírica | 2 / 3 / 2007

imaxe non dispoñible

O Congreso Pascual Veiga, sobre a obra deste compositor, comezou onte cunha revelación de peso. A estrea do Himno Galego, do que Veiga creou a música, dátase cando menos en 1896, dez anos do que se cría. Segundo revelou o musicólogo Fernando López-Acuña, existen referencias desta obra en medios de comunicación e partituras xa desde 1896, dez anos antes da que ata o de agora se consideraba estrea oficial na Habana. Precisamente co congreso celebrábase o centenario desta estrea.

Máis información en Galicia Hoxe, no web de Cultura, en La Voz de Galicia e nos nosos arquivos

Vigo, Santiago e A Coruña organizan a primeira Semana do Jazz Galego

Xénero: Jazz/Blues | 2 / 3 / 2007

imaxe non dispoñible

Kin García, Leo gianetto, Carme Dor e Pablo Seoane son algúns dos músicos que conforman o cartel da I Semana do Jazz Galego. Un evento que organiza El Corte Inglés e Audia Records do 7 ao 24 de marzo co obxectivo de dar a coñecer os novos intérpretes de Jazz que viven en Galicia e que mesturan os sons galegos coas últimas tendencias do panorama musical. As actuacións musicais están programadas primeiro en Santiago, logo en Vigo e por último en A Coruña.

Máis información no web de El Corte Inglés e en Galicia Hoxe

Ouvirmos descubre o patrimonio sonoro do país coa creación de rutas musicais en quince localidades galegas

Xénero: Miscelánea | 1 / 3 / 2007

tem_9496.jpg

"A música acompáñanos en todos os ámbitos da vida, públicos ou privados, en todas as épocas", explica Ramom Pinheiro, fundador da discográfica Ouvirmos. Aínda que inadvertida, esa presenza sonora mantense ao noso arredor vencellada a todo tipo de elementos. Agora, esta compañía, coa colaboración da Consellaría de Industria e Turismo, pon en valor ese pouco coñecido patrimonio e elabora quince rutas turísticas centradas nesta arte por outras tantas localidades galegas.

A Xunta organiza un congreso para pór en valor a figura do compositor do himno galego

Xénero: Miscelánea | 23 / 2 / 2007

not_9466.jpg

No 2007 cúmprense cen anos da interpretación do que despois se consideraría como Himno galego. Con texto de Eduardo Pondal, o autor musical foi Pascual Veiga (Mondoñedo, 1842- Madrid 1906), que viu como toda a súa produción musical quedaba ensombrecida polo Himno. Para dar a coñecer a súa biografía e o seu traballo a Xunta, a través do IGAEM, acaba de organizar un congreso. A cita será do 1 ao 3 de marzo na sede da Escola de Altos Estudos Musicais en Santiago.

Máis información no web do Congreso e sobre as actividades de celebración no web da Consellaría de Cultura

Nordestin@s faise co premio Opinión de Folk mentres Deluxe anuncia dous discos para este ano

Xénero: Folk | 19 / 2 / 2007

imaxe non dispoñible

Como cada ano, acaban de se coñecer os gañadores dos Premios Opinión de Música Folk, que foi para o trío Nordestin@s polo seu primeiro traballo. Por detrás deles quedaron formacións con tanta sona coma Berrogüetto e Milladoiro, que ocuparon o segundo e terceiro postos respectivamente. E canda á unha nova agardada coma esta, Deluxe achéganos unha sorpresa. O coruñés Xoel López anuncia nada menos que dous discos para este ano, un que editará Virgin e outro que só estará dispoñible a través de Internet, onde o autor publicará unha canción por mes a partir de abril.

Máis información en La Opinión La Voz de Galicia

O Consorcio de Santiago programa oito concertos en templos que acaba de restaurar

Xénero: Antiga | 16 / 2 / 2007

imaxe non dispoñible

Combinar música con patrimonio foi a intención coa que o Consorcio de Santiago inaugurou o ano pasado o programa “Músicas contemplativas”. Despois do éxito daquela edición, este organismo acaba de convocar un novo programa que aumenta o número de concertos. En total oito actuacións servirán para coñecer como foron rehabilitadas as igrexas de San Martiño Pinario, San Fiz, Mercedarias, Ánimas, Orfas ou a da Orde terceira. Os concertos, que serán de balde, terán lugar do 3 ao 7 de abril.

Máis información no web do Consorcio de Santiago, El Correo Gallego e no noso especial sobre a edición do ano pasado

Iván Ferreiro, Lucía Pérez, Cómplices e Berrogüetto son finalistas dos Premios da Música

Xénero: Miscelánea | 16 / 2 / 2007

imaxe non dispoñible

A Academia das Artes e das Ciencias da Música acaba de dar a coñecer os finalistas da IX edición dos Premios da Música. Lucía Pérez coa canción “Amarás Miña Terra”, Cómplices con “Nunca máis” e Berrogüeto con “Xente” son finalistas no apartado de mellor canción en galego. O vigués Iván Ferreiro compite no apartado de mellor álbum de pop alternativo con “As sete e media”. Polo demais, Dover e Alejando Sanz son os favoritos con seis e cinco candidaturas respectivamente.

Consulta os finalistas no web da Academia das Artes e das Ciencias da Música (en pdf), en El Correo Gallego

Cúmprense corenta anos da celebración da Nova Canción Galega, o movemento normalizador da lingua na música

Xénero: Folk | 9 / 2 / 2007

imaxe non dispoñible

“Unha canción á altura do intre histórico, unha canción nacida para desacougar e alumear: unha canción para acadarmos conciencia dos nosos problemas reais”. Estas foron as palabras coas que un 30 de marzo de 1968 se organizou un Concerto na Escola de Peritos Agrícolas de Lugo. Malia a prohibición, foi a primeira vez que o galego subiu a un escenario. Nacía así a “Nova Canción Galega”.

As grandes salas e diferentes grupos atacan o sistema da Rede de Salas de Música ao Vivo

Xénero: Miscelánea | 7 / 2 / 2007

imaxe non dispoñible

As grandes salas galegas de concertos, coma a Mardi Gras (A Coruña), a Capitol (Compostela) ou A Iguana (Vigo) non consideran rendible facer parte da Rede Galega de Música ao Vivo. A obrigatoriedade de programar as formacións que participan no proxecto é, segundo explica "La Voz de Galicia", a principal causa da súa exclusión. O proxecto do Instituto Galego de Artes Escénicas e Musicais (IGAEM) está a ser motivo de polémicas tamén entre os grupos. Ademais do sistema de selección, varios dos que quedaron fóra lamentan que esta programación satura as salas de concertos e impide actuar moitos dos conxuntos que non fan parte da rede.

Máis información en La Voz de Galicia, no Foro de Música Independente; o noso tema

Vinte e seis grupos galegos de metal lanzan un dobre CD a amosar os seus traballos

Xénero: Rock | 7 / 2 / 2007

not_9360.jpg

"Lusco" e "Fusco" son os nomes dos dous CDs que forman a "Gallaecian Metal Compilation", unha escolma que reúne temas de 26 grupos galegos deste estilo. O proxecto foi organizado polos propios grupos e editouno Falcatruada. A intención é dar a coñecer a vizosa saúde do metal no país.

Máis información no web do proxecto e en Falcatruada.com

<< Inicio / Anterior . 2691 a 2700 de 2700 .

BUSCADOR

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer