O Proxecto Paralelo 43º21´45" dinamiza o comercio coruñés pola arte
Preto de 150 creadores achegarán as súas propostas ao barrio de Conchiñas-Agra do Orzán
Literatura, artes plásticas, escénicas e musicais, danse cita a partir do vindeiro oito de maio e ao longo de catro sábados no barrio coruñés de Conchiñas-Agra do Orzán. Co nome de Proxecto Paralelo 43º21´45", arredor de 150 creadores de diversas disciplinas desenvolverán actuacións e obradoiros en diferentes espazos públicos coa colaboración de preto de 40 establecementos comerciais da zona. O encontro está organizado polos colectivos Arteu, BGR e 5Célula Arte e Comunidade.
