Contratará obras de sinalización e mellora por 3,8 millóns de euros
O Diario Oficial de Galicia publica hoxe a "licitación para a contratación da obra por lotes do proxecto de construción da recuperación, sinalización e melloras" dos camiños Norte (Ruta da Costa e do Interior) e mais do Camiño Primitivo a cargo da Axencia Turismo de Galicai. En total a entidade prevé investir máis de 3,8 millóns de euros, que se reparten entre os 2,31 destinados ao Camiño Norte pola costa e 1,53 millóns para os restantes. O investimento, que provén un 80% de fondos FEDER, quere mellorar o estado destas rutas ademais de axeitar a súa sinalización á recente delimitación oficial.
A primeira das licitacións afectará aos tramos que transcorren entre Ribadeo e mais Sobrado e O Pino, mentres na segunda traballarase na ruta entre A Fonsagrada e Melide. En ambos os casos o prazo de execución e de seis meses a partir da resolución. O pasado mes de marzo o Conselleiro de Cultura, Román RodrÃguez, anunciara próximos investimentos por valor de sete millóns de euros nestas rutas, que foron incluÃdas pola UNESCO como parte do Patrimonio da Humanidade do Camiño de Santiago o pasado ano.
