O novo colectivo reivindica a importancia natural e patrimonial deste espazo

Un grupo de asociacións veciñais, culturais, ambientais e deportivas de Carballo e de Malpica acaban de presentar a Plataforma pola Defensa de Monte Neme. O novo organismo nace coa intención de "poñer en valor o patrimonio arqueolóxico, industrial e cultural, tamén inmaterial (testemuños, toponimia e lendas) e facer unha proxección de futuro e recoller os valores e desexos da cidadanía de cara a posibles actuacións futuras no entorno, para que o Monte Neme poida converterse, ou se poida recuperar e ser de novo, como xa foi en tempos pasados, un símbolo e espazo de referencia sociocultural da zona", segundo recolle o xornal Que pasa na costa. A ruptura hai tres anos dunha balsa tóxica da antiga explotación mineira, o abandono da zona e o recente destrozo da reprodución simbólica do cromlech que existiu no lugar serviron de espoleta para a creación da nova plataforma.

Polo momento, a proposta está aberta a novas incorporacións e ten entre os seus proxectos máis inmediatos desenvolver un web propio e, de cara ao futuro, "ademais da actividade reivindicativa e de concienciación da súa situación, esperase levar a cabo actividades de coñecemento do monte de primeira man e interpretación do patrimonio e proxectos de coñecemento e recuperación da memoria colectiva do monte".

Que pasa na costa recolle o nacemento da Plataforma pola defensa de Monte Neme Plataforma pola defensa de Monte Neme en La Voz de Galicia Artigo sobre o patrimonio do Monte Neme en Historia de Galicia Monteneme.org

Nace a Plataforma pola Defensa de Monte Neme
O novo colectivo reivindica a importancia natural e patrimonial deste espazo

Na nosa edición:

Hoxe na nosa edición

Mercedes Peón presenta o seu novo disco 'Deixaas'

Cambio de reitores nas universidades de Santiago e Vigo

A Catedral de Santiago crea un novo espazo expositivo sobre o Mestre Mateo

Antonio Manuel Fraga faise co I Premio de Narrativa Xuvenil María Victoria Moreno

As bibliotecas incorporan filmes ao seu catálogo de préstamo electrónico

Nace a Plataforma pola Defensa de Monte NemeO novo colectivo reivindica a importancia natural e patrimonial deste espazo

Na nosa edición:

Hoxe na nosa edición

Nace a Plataforma pola Defensa de Monte Neme
O novo colectivo reivindica a importancia natural e patrimonial deste espazo