Santiago acollerá en novembro o II Encontro Internacional de Cadernos de Viaxe
    Compostela Ilustrada contará con artistas como Munehiro Ikeda, Alfredo, Jorge Arranz, Fernanda Lamelas ou Isabell Seidell

    Compartir:
    A "ampliar o foco e contar con artistas máis especializados no debuxo urbano" Miguelanxo Prado presentaba onte en Compostela o II Encontro Internacional de Cadernos de Viaxe que dirixe. Compostela Ilustrada celebrarase na capital galega entre o 9 e o 12 de novembro vindeiros a integrar no seu programa obradoiros, exposicións, presentacións e clases maxistrais. Entre os convidados destacan autores de renome internacional como Munehiro Ikeda, que protagoniza unha exposición sobre o caderno de 400 páxinas que realizou durante a súa peregrinación a Santiago nos anos 80. O recente Premio Nacional de Ilustración, Alfredo será outro autor homenaxeado cunha exposición monográfica. Xunto a eles Jorge Arranz, Fernanda Lamelas, Isabell Seidell, Joaquín González Dorao ou Mr. Zê son algúns dos autores que participarán neste encontro.

    Programa de Compostela Ilustrada

    No marco desta iniciativa celebraranse presentacións como a da Guía Ilustrada das Igrexas de Santiago de Compostela de Xaquín González Dorao ou o Camiña/Camiño. De Porto a Santiago de Fernanda Lamelas, Teresa Ruivo, Isabell Seidell e Blanca Escrigas. As actividades abertas ao público, como os obradoiros sobre como facer cadernos de viaxes ou o de Caligraffiti teñen aínda prazas dispoñibles para os interesados.

    arte banda deseñada

    Na nosa edición:

    Hoxe na nosa edición