A cultura valora a enorme dedicación de Carlos García Martínez a Galicia

O sepelio celebrarase hoxe luns ás 17 horas en Figueiras (Santiago)

O sábado pola mañá falecía Carlos García Martínez, o director do Museo do Pobo Galego. Martínez, que nacera en Compostela en 1945, asumiu a dirección do Museo do Pobo Galego trala norte de Antón Fraguas e converteuse nun incansable defensor e traballador a prol desta institución e a cultura do país. O presidente do Padroado do Museo Xusto Beramendi, en declaracións a Sermos Galiza, afirmou que “foi o factótum maior, a persoa que máis horas e esforzos lle dedicou ao Museo do Pobo Galego”. Ramón Villares, presidente do Consello da Cultura Galega, sinalaba a La Voz de Galicia que “tiña ideas moi firmes e unha concepción moi forte da cultura galega, especialmente centrado na súa historia, na arqueoloxía e na antropoloxía”. Pola súa banda, a Xunta de Galicia destacou “a relevante achega de Carlos García Martínez á cultura e sociedade galegas” e a súa “devoción e compromiso co país”. O sepelio celebrarase esta tarde en Figueiras (Santiago de Compostela) ás 17 horas.