culturagalega culturagalega
Letras Galegas 2018
  • consello da cultura galega
  • noticias
    • todas
    • arte
    • banda deseñada
    • lingua
    • literatura
    • sociedade
    • medio
    • patrimonio
    • espectáculos
    • políticas culturais
  • en profundidade
  • axenda
  • Avg
  • lg3
  • mega
  • setestrelo
  • arte
  • banda deseñada
  • roteiros

    Os XXV Premios Peña Novo recoñecen a Manuel Bermejo
    Paz Filgueira e Carlos Salgado tamén foron galardoados polo seu compromiso co galego

    • 27 / 5 / 2019
    • Santiago. Redacción
    • linguasociedade
    Compartir:


    A Fundación Lois Peña Novo daba a coñecer onte o fallo da XXV edición dos seus galardóns, que recoñecen o compromiso coa lingua galega no ámbito profesional. Nesta xeira, foi recoñecido Manuel Bermejo, profesor Emérito da USC, "pola coherencia na utilización da lingua galega durante toda a súa vida académica" asi como "pola contribución á preparación de materiais didácticos en galego para impartición de materias científicas". Canda a el, recibiu tamén un premio a maxistrada do Xulgado de violencia de xénero en Vigo Paz Filgueira, en recoñecemento a "desenvolver a súa actividade profesional en galego desde hai máis de 20 anos exercendo un maxisterio galeguizador e prestixiando a lingua galega no ámbito xudicial".

    O terceiro premiado foi o profesor titular do Departamento de Física de partículas da USC e Director do Instituto Galego de Física de Altas Enerxías Carlos Salgado. O xurado valorou "o seu compromiso coa lingua galega na súa actividade docente e investigadora facendo ver coa súa coherencia que en galego se pode facer investigación punteira do máis alto nivel contribuindo ao avance da ciencia no mundo".

    O comité de selección estivo composto por Manuel González González, catedrático de Filoloxía Románica da USC, Beatriz Corral Sánchez, técnica de normalización lingüística da SXPL, Xurxo Mariño, neurofisiólogo e profesor da USC, Obdulio Iglesias Otero, xefe da policía local de Gondomar, e Carme Pérez Vaquero, secretaria da Fundacion Peña Novo.

    Premios Peña Novo no Faro de Vigo Galardoados en 2019 no web da Fundación Lois Peña Novo
    lingua sociedade
    noticia anterior
    noticia seguinte

    Na nosa edición:

    A Orquesta Clásica de Vigo outorga os seus premios CreaClásica a novos compositores

    A Orquesta Clásica de Vigo outorga os seus premios CreaClásica a novos compositores

    • 2019-12-13 12:24:05
    As tres obras gañadoras estrearanse na tempada 2020 da formación viguesa
    Hoxe chega as salas do país 'Eroski Paraíso', a película da obra teatral de Chévere

    Hoxe chega as salas do país 'Eroski Paraíso', a película da obra teatral de Chévere

    • 2019-12-13 11:20:26
    Oito cines acollen a estrea da versión cinematográfica da aclamada produción escénica
    Hoxe chega as salas do país 'Eroski Paraíso', a película da obra teatral de Chévere

    Hoxe chega as salas do país 'Eroski Paraíso', a película da obra teatral de Chévere

    • 2019-12-13 11:20:26
    Oito cines acollen a estrea da versión cinematográfica da aclamada produción escénica
    Asociacións do teatro e a música queren parar os cambios estatutarios de Agadic a contra reloxo

    Asociacións do teatro e a música queren parar os cambios estatutarios de Agadic a contra reloxo

    • 2019-12-12 14:21:55
    Desde AAAG, ATG e MAV ven no proxecto de decreto un paso adiante no 'desmantelamento' dos servizos públicos culturais

    Hoxe na nosa edición

Consello da Cultura Galega.
Pazo de Raxoi, 2 andar. 15704 Santiago de Compostela (Galicia)
Tfno: 981957202 | Fax : 981957205 | e-mail: redaccion@culturagalega.org.
RSS | Aviso legal | O equipo do portal | Licenza de uso
Inicio/Axenda/Lg3/Mega/Ciencia/Arte/Ciencia/Banda deseñada