Abren novos espazos para a formación escénica na Coruña e en Compostela

Espontánea en Compostela e Danza 10 na Coruña amplían a oferta neste campo

A coincidir co final das vacacións de verán anuncian a súa inauguración dous novos espazos dedicados á danza e as artes escénicas. En Compostela, Gala Martínez-Romero e Antón Coucheiro botan a andar Espontánea Espazo Creativo. O novo local, situado na zona vella, anuncia formación en campos como improvisación, clown, teatro ou danza canda a obradoiros de radio para o público máis cativos e clases de pilates. Está previsto que abra as súas portas o vindeiro 27 de setembro orientado tanto a profesionais como a afeccionados de distintos niveis.

Pola súa banda, a partir do día 16 a academia Danza 10, fundada en 2016, abre as portas das súas novas instalacións na Coruña. Segundo anuncian os responsables, o novo espazo converte esta entidade na escola de danza máis grande do país, tanto en metros cadrados como en disciplinas impartidas. Entre as novas propostas que incorpora está Entrenamento Personal, Quiromasaxe e Estudio de Grabación -Producción Musical.