Morgante edita este ensaio de Rafael Fernández Lorenzo
Rafael Fernández Lorenzo é o autor do Abecedario de Carballo Calero (Morgante, 2019), que define como un "vocabulario literario" do autor ao que se dedicará o Día das Letras Galegas 2020. Estruturado por máis de cincuenta voces organizadas por orde alfabética, permite unha achega á biografía, saberes e obra literaria e ensaística de Carballo Calero. Nela convídease ao lector a "procurar a eito e aleatoriamente entre aqueles conceptos que considere oportuno, seguindo a curiosidade ou o azar".
