Warning (512): /var/www/html/cultura/html/atalaia/cakephp/app_web/tmp/cache/ is not writable [CORE/cake/libs/cache/file.php, line 267]
Anselm Kiefer. Un mestre da pintura é unha escolma de obras do pintor e escultor alemán Anselm Kiefer, un dos artistas contemporáneos máis recoñecidos. Kiefer, que expuxo en espazos como a Documenta de Kassel (Alemania) ou a Bienal de Venecia, conta cunha ampla e vizosa traxectoria, na que tamén traballou a instalación e o happening e na cal seguiu o ronsel dun dos seus mestres, Joseph Beuys.
Anselm Kiefer é, sen dúbida, un dos creadores referenciales da arte contemporánea, interesado, desde hai cinco décadas, en recuperar a dimensión épica da pintura, abordando a historia traumática da nosa época sen perder nunca de vista o elemento poético.
A exposición permite ao espectador reconsiderar unha obra de enorme intensidade e densidad cultural. Desde as paisaxes post-románticos, nos que o rastro da guerra e a destrución é evidente, ás alegorías dos traumas inscritos na memoria europea, Kiefer modula acontecementos dunha escala dramática.
Os libros de plomo, tan presentes no seu imaxinario, son o contrapunto, seica esperanzado, aos dispositivos bélicos que marcan o camiño da catástrofe que aínda está despregándose. A través desta serie de 18 cadros, obras sobre papel e esculturas, o MAC quere render homenaxe a un dos grandes protagonistas da arte actual.
Fonte: MAC
