Cuando salí de Cuba...
Henry Eric / Gertrudis Rivalta / Antonio E. Fdez.-Tonel
Exposición colectiva de tres artistas cubanos que naceron e se formaron coa revolución cubana e na actualidade viven fóra da illa. Gertrudis Rivalta e Henry Eric residen en España, mentres que Antonio Eligio Fernández-Tonel fáino en Canadá. As súas obras -pinturas, debuxos e vídeos-, non son alleas ás complicadas circunstancias sociais, políticas e ideolóxicas vividas na illa, e os tres comparten unha ollada crítica e irónica. Esta exposición foi realizada en colaboración con Kevin Power.
Henry Eric (Camagüey, 1971), presenta varios relatos da súa de debuxos Sentémonos a conversar sobre la violencia, e o corto documental Epílogo, que completa unha xeira de obra realizada entre 2009 e 2010. Trátase de historias individuais de marxinados, soldados da guerra de Angola, presos..., situacións que posibilitan un achegamento a comportamentos agresivos e violentos dentro da sociedade cubana.
Gertrudis Rivalta (Santa Clara, 1971). Amosa tres lenzos de grande formato da súa serie Mujeres, nos que reinterpreta antigas portadas das revistas femininas publicadas en Cuba. Neste traballo, Rivalta reflexiona sobre o xeito no que se inducen os modelos a seguir, a través das publicacións dirixidas a mulleres en cualquera país do mundo.
Tonel. Antonio Eligio Fernández-Tonel (Habana, 1958). Os debuxos que Tonel presenta en adhoc, forman parte dun grupo máis amplo de traballos, reunidos baixo o título Cosmos. Los efectos de la ley de la gravedad, do 2009. Ademais do seu labor como artista, Tonel tamén desenvolve unha salientable actividade como ilustrador, crítico de arte e comisario de exposicións. Na súa obra artística, na que inclúe debuxos, caricaturas ou instalacións, é significativo o uso da ironía na procura de evidenciar o absurdo do poder.
Fonte: Galería adhoc
