Artistas: Carlos Álvarez / Anabel Gaudioso / Gema López / María Maquieira / Begoña Mumary / Paulova / Bea Saa / Alejandra Sampedro / Santi Vega.
Emerxentes é o título da mostra que presenta o traballo de nove artistas e serve como estrea e presentación de ABOUT ART, unha nova galería de arte en Pontevedra que aposta e apoia, mediante a promoción, a difusión e a formación, a arte contemporánea. Ofrece unha liña ecléctica de calidade artística, contando con pezas únicas, singulares e excepcionais.
Comprometida cos novos valores, a galería desenvolve exposicións propias e proxectos de comisariado noutros espazos expositivos e urbanos.
María Díaz e Araceli Torres, directoras da galería, son licenciadas en Historia da Arte con formación en Museoloxía, Tasación, Catalogación, Conservación e Restauración de Bens Culturais. Ambas as dúas posúen unha ampla experiencia profesional e teñen colaborado con entidades como o Museo de Pontevedra, MNCARS (Museo Nacional Centro de Arte Reina Sofía), Sargadelos, CGAC (Centro Galego de Arte Contemporánea), Deputación de Pontevedra, Caixanova Obra Social ou INAH (Instituto Nacional de Arqueología e Historia), de México, entre otras.
Fonte: Galería About Art
