Intervencións: Bodegón / Móbeis Furancho / Cubo branco / FAC in shit (FAC na merda) / Ulobit.
FAC OFF é a montaxe-presentación do espazo proxecto artístico autoxestionado FAC Peregrina. Furancho de Arte Contemporánea.
FAC OFF é, ademais dunha declaración de intencións, a presentación da obra de recuperación e transformación do Galpón da casa d’A Peregrina nun Furancho de Arte Contemporánea coma intervención estética e conceptual co obxectivo de dar a coñecer á comunidade artística a existencia deste espazo intermedio e non mediado por intereses alleos aos do traballo de creación como posibilidade.
FAC OFF é a primeira das FAC Producións, montaxes de produción propia que buscan a presentación formal de diferentes liñas de investigación e interese do equipo FAC. Desta volta o interese céntrase na adopción das estratexias propias da contorna que habitamos para a construción e deseño dun espazo de relación e intercambio directo de excedentes como é o Furancho.
FAC Peregrina. Furancho de Arte Contemporánea
Venres, de 17:00 a 23:00 horas. Cómo chegar
Fonte: FAC Peregrina
