A mostra é o resultado da experimentación con novos materiais, neste caso cerámicos, con todas as posibilidades que ofrece o esmaltado e o emprego de texturas das pastas de alta temperatura. Tentei adaptar a miña linguaxe e a tipoloxía de personaxes a esta técnica. Como resultado xurdiron unha serie de cabezas e bustos coa intención de revisar estes conceptos clásicos. Son personaxes híbridos, inquedantes e traxicómicos pero, ao mesmo tempo, entrañables. Son ademáis sinistros xa que nos remiten a algo familiar e cotián, pero tamén nos producen un desacougo porque no recordo fóronse transformando para deixar paso a estraños personaxes.
Texto: Iván Prieto
Fonte: Galería Clérigos
