Loretta Fahrenholz e Reena Spaulings participan no proxecto producido pola galería Bacelos para a terceira edición da iniciativa Jugada a 3 bandas, co comisariado de Pedro de Llano.
Baseada nunha obra de teatro da poeta e escritora Kathy Acker (Nova York, 1947-1997), Implosión (2011), a película de trinta minutos de duración que presenta Loretta Fahrenholz, constitúese como un experimento de tradución, non só entre medios e formatos, senón tamén entre décadas e corpos. Esta obra pode ser vista como a continuación ou a exacerbación dun xesto literario, iniciado por Acker, que escenificou un drama sobre a revolución francesa na cidade de Nova York, a principios dos oitenta, traspoñendo o seu contido histórico sobre a linguaxe e os corpos dos punks do downtown, os drogadictos e os traballadores sexuais.
Loretta Fahrenholz. Implosion (2011)
Reena Spaulings. How to Cook a Wolf (Kunsthalle Zurich)
