Confesión xeral é unha retrospectiva de Luis Gordillo, comisariada por Juan Antonio Álvarez Reyes, director do Centro Andaluz de Arte Contemporánea de Sevilla e Santiago Olmo, director do CGAC.
A exposición é a primeira mostra do artista sevillano en Galicia e permite realizar un percorrido polo seu traballo desde as series de debuxos de raíz informalista de finais dos anos cincuenta ata as obras fotográficas e pictóricas nas que emprega as lonas como soporte e as infografías como ferramentas.
Trátase dunha retrospectiva clásica con numerosas obras inéditas ou pouco coñecidas, especialmente debuxos, así como algunhas obras en proceso que recrean o clima do seu estudo.
Confesión xeral puido verse no CAAC de Sevilla e no Koldo Mitxelena Kulturenea en Donostia-San Sebastián na Alhambra e no Centro José Guerrero de Granada.
Fonte: CGAC
