Warning (512): /var/www/html/cultura/html/atalaia/cakephp/app_web/tmp/cache/ is not writable [CORE/cake/libs/cache/file.php, line 267]
Suso Basterrechea (1968, Ferrol), é licenciado en Belas Artes pola Universidade de Sevilla, e nesta a súa primeira exposición individual na cidade de Santiago presenta unha serie de debuxos concibida como conxunto, expostos en formato acumulativo, conformando un discurso complexo, irónico e confuso. Inspirados tanto na historia da arte contemporánea -con alusións directas a Joseph Beuys, Franz West, Martin Kippenberger, Maurizio Cattelan, mesmo a Goya-, como na realidade social e política -a demoledora recurrencia pola estatua ecuestre do ditador Franco-, ou en pasaxes autobiográficas, a maioría dos traballos están realizados con tinta, témpera e esmalte sobre papel. O conxunto da mostra complétase cunha pintura mural, escultura e unha instalación.
Suso Basterrechea representa á Galería Metro na edición da feria Art Madrid que se celebra do 16 ao 19 de febreiro de 2012 no Pavillón de Cristal da Casa de Campo de Madrid.
Fonte: Galería Metro
Links: Directo ao público. Crítica sobre a exposición a cargo de Xosé Manuel Lens
Suso Basterrechea en Espacio de Arte (Correo TV. 16/02/2012)
