Notice: Undefined variable: totalRows_rs_galeriaImaxes in /var/www/html/cultura/html/avg/index.php on line 184 ||| AVG ||| AudioVisual Galego

NOTICIAS

A XUNTA PROMOVE CON EL A PRODUCIóN AUDIOVISUAL ESTES DíAS EN BERLíN

22/02/2024

Como xa é habitual no calendario audiovisual, a Xunta comeza no European Film Market de Berlín, o mercado paralelo á Berlinale, a promoción do novo catálogo Films from Galicia de 2024, integrado nesta edición por 75 títulos galegos para cine e televisión. Clasificadas en longametraxes cinematográficas de ficción, documentais, animación e televisión, 34 das producións xa están rematadas e as 41 restantes están ultimando a fase final para a chegada ás pantallas. A selección de Films from Galicia compleméntase coas curtametraxes que integran Shorts from Galicia, que xa foi publicado baixo a súa propia marca a comezos deste mes de febreiro canda á celebración do Festival de Clermont-Ferrand (Francia). Ambas escolmas forman parte do programa de internacionalización do noso audiovisual que desenvolve o Goberno galego dentro Plan Xeración Cultura, e serán promovidas ao longo do ano nos principais mercados e feiras internacionais de referencia.

Amplía a nova

O FAIADO PODCAST LEVOU O PREMIO REVELACIóN E UNHA FIN DE SEMANA EN LONDRES FíXOSE CO PREMIO VíDEO

19/02/2024

A gala que os Premios Youtubeiras celebraron en Santiago de Compostela este sábado deixou un palmarés encabezado por OU Ké!, que se fixo co premio á mellor canle nesta edición do certame de vídeos en galego. O xurado recoñeceu deste proxecto a "súa profesionalidade, a súa calidade técnica e o seu coidado na estética", así como o seu "impacto" e mais a "integración entre os medios de comunicación" e "a súa pluralidade".

Amplía a nova

OS PROXECTOS SELECCIONADOS REPARTIRáN 70.000 EUROS PARA PARTICIPAR EN FOROS DE NEGOCIO ESPECIALIZADOS E EVENTOS DE CINE

16/02/2024

Cuns fondos de 70.000 euros, a Axencia Galega das Industrias Culturais convoca no Diario Oficial de Galicia deste 16 de febreiro as subvencións para a comercialización e difusión de proxectos e obras audiovisuais e videoxogos en foros de negocio especializados e eventos de cine.

Amplía a nova

O BARCO DE VALDEORRAS, O CARBALLIñO, VILAGARCíA E CANGAS SúMANSE áS LOCALIDADES QUE PROXECTARáN TíTULOS DA CARTELEIRA DA FILMOTECA DE GALICIA

16/02/2024

A Axencia Galega das Industrias Culturais achegará un total de 65.000 euros, 35.000 máis que en 2023, á Federación de Cineclubs para que este colectivo manteña o seu programa. Un total de 19 ciclos e sete semanas de cinema en catorce localidades de todo o país, unha máis do que no ano pasado, desenvolveranse con este apoio, en virtude do acordo que asinaban este 15 de febreiro representantes das dúas entidades.

Amplía a nova

ALGúNS COMO A LONGAMETRAXE 'AS NEVES' DE SONIA MéNDEZ TERáN A SúA ESTREA MUNDIAL

15/02/2024

A 27ª edición do Festival de Málaga (1 a 10 de marzo) contará con ata sete producións rodadas en galego no orixinal e outras dúas cintas de produción galega rodadas en castelán. A estrea mundial do filme 'As neves' (Aquí y Allí Films, Cósmica Producións) da realizadora Sonia Méndez será o que poña a produción galega na sección oficial de longametraxes de ficción do festival malagueño. É na sección oficial de xénero documental onde poderán verse máis películas galegas. Será o caso das estreas das dúas longametraxes 'Aurora' (Gaitafilmes) primeiro filme de Area Erina, que se filmou durante máis de 10 anos, e 'Salvaxe, salvaxe' (Walkie Talkie Films) debut na longametraxe de Emilio Fonseca. Xa no formato curto de documentais Málaga acollerá á estrea do novo traballo de Xacio Baño, 'Platónico, platónica' e máis o debut de dous realizadores novos, Paula Fuentes, Guillermo Carrera, presentando 'Corre o vento'.

Amplía a nova

CONFIRMA UN RETORNO DE CATRO EUROS POR CADA UN INVESTIDO NESTE PROGRAMA XESTIONADO DESDE AGADIC

14/02/2024

A Facultade de Ciencias Económicas e Empresariais da USC acolleu onte a presentación do informe de resultados económicos do Hub Audiovisual - Industria Cultural Galega, deseñado e desenvolvido pola Xunta no trienio 2021-2023. O secretario xeral da Consellería de Cultura, Educación, FP e Universidades, Manuel Vila e o director da Axencia Galega das Industrias Culturais, Jacobo Sutil, asistiron á presentación deste informe encargado ao grupo de investigación Posmark (Persoas, Organizacións Sostibles e Márketing) da USC, que integran María Bastida, Miguel Á. Vázquez Taín e Marisa del Río, os mesmo que recentemente presentaron un informe semellante es específico sobre a industria musical galega. O informe reflicte que o Hub, dotado con 9,6 millóns de euros, propiciou a mobilización de 28,5 millóns en dous ámbitos de actuación principais polo seu maior potencial tractor: o audiovisual e a música. Engadiuse tamén un eido transversal, destinado á adquisición de activos e materiais tecnolóxicos por parte de empresas e entidades culturais.

Amplía a nova

VIDEOS

PRODUCIÓNS

PROFESIONAIS

GALERÍAs

DOCUMENTOS

  1. Dossier | Pacios. As fotos da memoria Ficha abreviada, en portugués, desta obra-retrato dos viciños dun lugar galego

  2. Dossier | A paixón de María Soliña Ficha técnico-artística completa e notas de produción deste traballo sobre a figura histórica.

  3. Dossier | Anacos

  4. Máis documentos

ZONA FAN