Ten traballado profesionalmente desde 1995 en deseño gráfico, publicidade, caricaturismo e humor de prensa. Maquetou o fanzine "Ovo" e foi humorista gráfico dos diarios "La Opinión" e "DXT Campeón" da Coruña. Ten contribuído a publicacións de BD como "O Fanzine das Xornadas" de Ourense e "BD Banda". Entre 2000 e 2002 foi empregado da empresa Bren Entertaiment en Santiago de Compostela (pertencente ao grupo Filmax) facendo deseño de fondos, personaxes e story-boards para a serie de animación Goomer. Exerce de debuxante e colorista de cómics free-lance para o mercado franco-belga e o americano. Ten traballado para as editoriais Vents DŽOuest, Paquet, Les Humanoïdes Associés, Marvel Comics e DC Comics. En 2011 deu cor a “Talisman” 3 (Debois/Martín para Glénat), “Destins: Le mur” (Giraud/Germaine/Goethals para Glénat), “Turo” 1 e 2 (Guerrero para Le Lombard) e “Le Manoir des Murmures 3: Simon” (Muñoz/Cons para Les Humanoïdes Associés).
Bedegrafia como debuxante:
- "A gruta" (revista "BD Banda").
- "O vicio" con guión de Kike Benlloch (no "Fanzine das Xornadas" de Ourense).
- "3x3", serie con guión de Kike Benlloch (na revista "Buen Provecho").
- "Dor de espalda" (no "Fanzine das Xornadas").
- "H2Oil" con guión de Bonnot ("H2Oil", ed.Colectivo Chapapote, 08/2003)
- "Docteur Love" (Editions Vents DŽOuest, 11/2003) con guión de Jacky Goupil e Sylvia Douyé, e colaborando no deseño a lapis con Gyzmo.
- Álbum Colectivo "Droles DŽhistoires" nº7 (Editions Vents DŽOuest, 02/2004), 7 páxinas. Guión de Jacky Goupil e Sylvia Douyé.
- "Rocket B", 27 historias autoconclusivas de dúas páxinas cada unha, mais unha portada (Revista Mister K, Ediciones El Jueves, con guións de Miguel Robledo).

Entrevista a Javi Montes en Entrecomics (2007)

Palmarés
1º premio no Certame de Cómic de Arteixo en 1999.

Formación específica
Especialidade de diseño gráfico. Cursados e aprobados os dous anos de especialidade da Escola de Artes e Oficios Pablo Picasso da Coruña en 1996.

---

---

---

  Noticias relacionadas