O Centro político non é un invento moderno. Entre os galegos máis destacados que pretenderon personificalo pódese contar a Manuel Portela Valladares, un político de longa traxectoria nado en Pontevedra. Licenciado en Dereito pola Universidade de Santiago, Portela foi un de tantos “fillos políticos” de Montero Ríos, que o apoiou para ser deputado por Fonsagrada desde 1905, posto que ocuparía até 1923. A orientación política de Portela levouno a apoiar tamén o agrarismo de “Acción Gallega”. Baixo a monarquía, foi gobernador de Barcelona e incluso ministro en 1923, pouco antes do golpe de Primo de Rivera.

En 1927 Portela adquire o diario vigués El Pueblo Gallego (fundado en 1924), un dos diarios que máis se destacaron por defender a autonomía galega durante la II República.

No goberno Lerroux nomeouno Gobernador xeral de Cataluña e máis tarde ocupará o Ministerio da Gobernación. Ao comezo da guerra civil sufrirá multiples penalidades para escapar de España para exilarse en Francia, onde evita a petición de extradición cursada polo goberno de Franco ao goberno de Petain. Falece no país galo en 1952.