| AS
VALORACIÓNS DE ... |
|
|
Damián
Villalaín. Subdirector da Editorial Galaxia
"Galicia
perdeu un corazón", afirmou Damián
Villalaín pouco despois de coñecer o pasamento
do seu amigo Carlos Casares. O subdirector de Galaxia
asegurou que Casares é un dos referentes da cultura
máis importantes, "cunha gran labor institucional
desde o Consello da Cultura Galega e editorial desde Galaxia".
Villalaín destacou tamén a súa calidade
humana e o seu gran talante negociador. |
|
|
Xesús
Pérez Varela. Conselleiro de Cultura
"Galicia
acaba de perder un dos referentes principais da súa
cultura", declarou Xesús Pérez Varela.
O Conselleiro destacou a faceta "extraordinariamente
humana" de Casares e indicou que "sempre tivo
unha man tendida, sempre disposto a axudar". O Conselleiro
declarou tamén que Casares "tiña aínda
moitas páxinas brillantes que dar á literatura
galega" |
|
Xosé
María Palmeiro. Decano do Colexio de Xornalistas
de Galicia
"Aínda
non reaccionamos a esta tráxica noticia".
Esta foi a primeira reacción do Xosé María
Palmeiro. O decano dos xornalistas de Galicia destacou
o gran sentido do humor de Casares e o apoio que sempre
mostrou con toda a cultura galega". Palmeiro tamén
destacou a gran importancia de Casares como intelectual
que "impulsou a cultura desde múltiples facetas,
incluída a do xornalismo". |
|
Xesús
Palmou. Secretario Xeral do PP de Galicia
O secretario xeral do Partido Popular quixo expresar no
nome do seu partido o máis profundo pesar polo
pasamento de Carlos Casares, do que dixo que era "un
dos homes máis representativos da cultura galega
de hoxe". Xesús Palmou tamén quixo
resaltar a faceta institucional onde foi "un auténtico
dinamizador e revitalizador das nosas institucións". |
|
Bloque
Nacionalista Galego.
O BNG quixo tamén mostrar o seu pésame pola
"inesperada e dolorosa perda". O BNG agradeceu
nunha nota pública o compromiso deste escritor
e xornalista coa cultura galega. A nota tamén indica
que co pasamento do autor de "Xoguetes para un tempo
prohibido" deixa un espacio na cultura galega que
non será fácil de cubrir. |
|
Comisión
Executiva Nacional Galega do PSdeG - PSOE
"Hoxe é un día de loito para a cultura
galega". Deste xeito define o día de hoxe
a nota oficial de pésame da Comisión Executiva
Nacional do Partido Socialista de Galicia. Os socialistas
galegos definen a Casares como "un referente das
letras galegas, un maestro do xornalismo e un impulsor
da nosa cultura e literatura" |
|
Francisco
Fernández del Riego. Ex-presidente da Real
Academia Galega
Fernández del Riego non dubidou en cualificar este
como un golpe tremendo, unha impresión que no se
pode describir. "Onte mesmo estivo no acto de homenaxe
a min"- afirmou - "Era unha personalidade significativa
de indubidable transcendencia no orde da creación
literaria. Ademais ó fronte do Consello da Cultura
Galega realizou unha labor positiva como ó fronte
da Editorial Galaxia. É unha perda moi seria para
a cultura galega nestes momentos" |
|
José
Antonio Feijoo. Alcalde de Xinzo de Limia
O alcalde de Xinzo de Limia, José Antonio Feijoo
mostrouse consternado pola noticia do pasamento de Carlos
Casares. "Os portavoces dos grupos con representación
no Concello acordamos declarar tres días de loito
oficial coas bandeiras a media asta e pedirán que
o día das letras galegas do próximo ano
estea adicado ó escritor hoxe falecido". |
|
Manolo
Rivas. Escritor e xornalista
"Casares era un sembrado de historias e un dos representantes
da mellor tradición dos humanistas e demócratas
galegos". Manolo Rivas destaca tanto a súa
faceta como escritor como desde o punto de vista humano.
"Era unha persoa moi tranquila e respetuosa que non
gustaba dos conflictos e amaba profundamente a vida dun
país con tendencia á depresión" |
|
Víctor
F. Freixanes. Escritor e xornalista
"Carlos Casares deixa un vacío en moitos frentes".
Estas foron as primeiras declaracións do escritor
Víctor Freixanes tras coñecer o pasamento
de Carlos Casares. Freixanes asegurou que o presidente
do Consello da Cultura Galega era "un intelectual
maduro, moi boa xente e un capital que tiña este
país en activo e funcionando". |
|
Xaime
Illa Couto. Presidente da Editorial Galaxia
Aínda sobrecollido o Presidente da Editorial Galaxia
non dubidou en calificar a Carlos Casares como unha personalidade
realmente extraordinaria e única en Galicia. "Un
home cun talento creador extraordinario cunha gran capacidade
de traballo, de unha fecundidade inmensa, pero sobre todo
as súas cualidades persoais, porque tamén
é raro no país, era un home cordial con
todos , cun temple sereno, tranquilo, herdaba o espírito
cordial do paisano pero dobrado con un talento intelectual
extraordinario. A perda do país é inmensa
porque a capacidade creativa de futuro que tiña
é extraordinaria." |
| |
Manuel
Fraga. Presidente da Xunta de Galicia
O
presidente da Xunta de Galicia mostrou o seu pesar pola
morte de Carlos Casares Mouriño nun comunicado
emitido a primeira hora da mañá. Fraga destacou
a súa faceta como intelectual e como xestor do
Consello da Cultura Galega. |
| |
Henrique
Monteagudo . Secretario do Consello da Cultura Galega
"Foi
un dos grandes impulsores da Cultura Galega, ademais de
ser un gran amigo e unha excelente persoa". Montegaudo
destacou a grande eiva que quedará en Galicia co
pasamento de Carlos Casares. "Galicia perdeu a un
gran intelectual e a unha gran persoa", declarou. |
| |
Xosé
Ramón Barreiro Fernández. Presidente da
Real Academia Galega
Barreiro Fernández definiu a Carlos Casares coma
o "xestor da Cultura Galega", unha vez que coñeceu
o tráxico pasamento. Barreiro definiu a Carlos
Caseres coma "un gran amigo, un gran xestor da cultura
galega e unha persoa que poñía sentido común
a todo o que facía". Do mesmo xeito o presidente
da Real Academia Galega asegurou que Casares foi un dos
intelectuais "máis importantes que tivo este
país". |
| |
Darío
Villanueva. Rector da Universidade de Santiago de Compostela
"Esta perda é unha lousa sobre a cultura galega,
ademais dunha perda para quen tivemos a satisfacción
e o pracer de traballar con el no Consello da Cultura
Galega.
Carlos Casares era unha figura de primeira magnitude,
polo seu labor creativo e intelectual parello á
súa actividade xornalística e institucional
non só desde o Consello da Cultura Galega, quero
destacar tamén a súa actividade á
fronte de Galaxia e Grial.
Carlos Casares seguíu o ronsel dunha personalidade
na que tivo un referente, Ramón Piñeiro,
co que comparte moitas características da súa
personalidade como a súa permanente vontade de
diálogo."
|
| |
José
Luís Meilán Gil. Rector da Universidade
de A Coruña
"Foi o heredeiro do legado de Ramón Piñeiro
e destacou, sobre todo, polo seu amor á Cultura
Galega". Así definiu o Rector da Universidade
da Coruña ó falecido Carlos Casares. O Rector
non dubidou en definir a Casares como "unha persa
amable e dialogante" resaltando a súa faceta
como promotor da Cultura Galega. |
