|
"O teatro é vivir multiplicado por 100", afirma María Casares, nesta entrevista concedida a Televisión Española. María Casares foi unha das máis coñecidas actrices na Francia do século XX. Naceu nunha acomodada familia da Coruña en 1909 e foi filla dun dos principais políticos da República, Santiago Casares Quiroga. Tralo alzamento militar de 1936, a familia exíliase a Londres e logo París. Nesta cidade comezará a súa traxectoria profesional no teatro en 1941. Moi cedo convertirase nunha actriz de sona.
O existencialismo francés convertiráa nun dos seus iconos visuais. No ano 1943 interpretará O Malentendido, a primeira obra teatral de Albert Camus. Dende ese momento, Casares vivirá un idilio co escritor e comezará a súa relación con Sastre, Simone de Beauvoir, Picasso ou Jean Cocteau. Precisamente con este director, en 1950, o seu papel no filme "Orpheo" daralle sona universal.
María Casares alternará dende entón o seu papel na escena francesa con incursións frecuentes no mundo do cine e o seu activismo a favor do teatro participando e colaborando na creación do Festival de Teatro de Avignon. Regresará a Madrid en 1975 por primeira vez e nos anos 80 e 90 recibirá numerosos recoñecementos públicos en Galicia e España.
|
|
