Con máis de 6.000 votos totais emitidos, pechouse o proceso de votación mediante o cal o público do certame aRi[t]mar escolleu cales foron as Mellores Músicas do pasado 2024 en Galicia e Portugal. No caso galego, o público acordou que 'Quererse ben', de Mondra, foi a "Mellor Música do 2024 na Galiza". O artista, natural da parroquia de Recesende, no concello de Teo, supón un enorme representante do que a canción galega significa neste ano 2025 e o seu traballo ven de recoñcecerse incluso a nivel audiovisual cun Premio mestre Mateo polo videoclip de 'Marimondra'. A canción premiada polo público, 'Quererse Ben', representa parte do traballo do teense e compón un bo exemplo dunha das diversas sonoridades que acada o artista, trazando neste caso unha balada que fala do xeito de expresar o amor e os afectos. Mondra está a piques de presentar o vindeiro 6 de maio un novo traballo 'De ronda' e iniciar xira. Baiuca, con Barullo, en colaboración con Felisa Segade; e Hugo Guezeta, con O Noso Tempo foron os seguintes máis votados polo público.
No caso do territorio luso, o tema elixido como Mellor Música do 2024 en Portugal é 'Amor de Ferro', do algarvío Diogo Piçarra e o portuense Pedro Abrunhosa. O tema supón a colaboración de dous xigantes da música contemporánea de Portugal, aínda que pertencentes a diferentes xeracións de autores. A canción, escrita por ambos os dous, mais composta por Diogo Piçarra, amosa o estilo deste último cun pop moderno que reúne texturas electrónicas e outras máis orgánicas, coma as do piano e a guitarra. Os músicos vencedores, que ademais do premio comparten o amor como tema vertebrador das cancións vencedoras, recollerán o premio e actuarán na gala aRi[t]mar 2025, que será celebrada no mes de outubro en Santiago de Compostela, patrocinada pola Xunta de Galicia, a Deputación da Coruña, o Concello de Santiago de Compostela, o Instituto Camões e o Interreg España-Portugal a través do AECT Galiza-Norte de Portugal.
No caso do territorio luso, o tema elixido como Mellor Música do 2024 en Portugal é 'Amor de Ferro', do algarvío Diogo Piçarra e o portuense Pedro Abrunhosa. O tema supón a colaboración de dous xigantes da música contemporánea de Portugal, aínda que pertencentes a diferentes xeracións de autores. A canción, escrita por ambos os dous, mais composta por Diogo Piçarra, amosa o estilo deste último cun pop moderno que reúne texturas electrónicas e outras máis orgánicas, coma as do piano e a guitarra. Os músicos vencedores, que ademais do premio comparten o amor como tema vertebrador das cancións vencedoras, recollerán o premio e actuarán na gala aRi[t]mar 2025, que será celebrada no mes de outubro en Santiago de Compostela, patrocinada pola Xunta de Galicia, a Deputación da Coruña, o Concello de Santiago de Compostela, o Instituto Camões e o Interreg España-Portugal a través do AECT Galiza-Norte de Portugal.
