- 11 / 7 / 2016
- Manuel Gago. Redacción
- Historia /
- 2025-02-11 12:56:38
- 2025-02-11 12:34:55
- 2025-02-11 11:20:34
- 2025-02-11 10:50:26
- 35 Comments
- 24 Comments
- 19 Comments
- 10th July 2014
- 10th July 2014
- 10th July 2014
Unha exposición explora os cambios de Compostela tralo golpe de 1936
O Pazo de Bendaña, en Santiago de Compostela, acolle desde a semana pasada a exposición "80 anos. Santiago 1936". Está elaborada polo grupo de investigación da USC Histagra co apoio do concello, Deputación da Coruña e da Xunta. Poderá visitarse ata o 25 de setembro e é a antesala do congreso internacional "1936. Un novo relato? 80 anos entre historia e memoria". Segundo os organizadores, "esta exposición pretende explicar como, en tan poucos días, Santiago pasou de ser unha cidade en plenas festas do Apóstolo, na que aínda se festexaba o Estatuto de Autonomía de Galicia, ao triunfo do golpe de estado. Como as rúas de Compostela pasaron de ser un espazo de convivencia, pugna e pluralidade democrática, a converterse no escenario do medo, da persecución e da matanza". En culturagalega.gal estivemos cos organizadores visitando a mostra e preparando uns pequenos vídeos que vos permitirán coñecer algunhas das pezas máis destacadas. Hoxe podemos ver a primeira e para a semana coñeceredes o resto.